Biznesə başlamaq üçün çox pul lazımdır mifi
Biznes üçün çoxlu pul lazımdır?
Bu dəfəki yazımızda sizinlə sıfırdan biznes qurmaq istəyən şəxslərin bir çoxusunun “qorxulu yuxusu” olan “böyük məbləğdə büdcən yoxdursa heç başlamağa dəyməz”, “yalandan vaxtını sərf eləmə onsuz alınmayacaq”, “daydaysız biznes qurmaq mümkün deyil” kimi şəhər əfsanələrinin günümüz reallığında nə dərəcədə doğru olduğunu təhlil etməyə çalışaq. Hər gün yeni biznes oyunçularının bazara girdiyi, milyonluq satışlara çatdığı, milyard dollarlara satıldığı xəbərlərini, yəqin ki, hər birimiz oxuyur və eşidirik. Yaxşı, o zaman, belə bir sual çıxır ortalığa ki, bəs bu biznesləri quran şəxslərin hamısı böyük pullarlamı başlayıblar bu bizneslərə? Cavabsa, təbii ki, “xeyr” olacaqdır.
Biznesə pulsuz başlamaq çətindir, lakin müəyyən yanaşmalarla maliyyə sərmayəsi olmadan belə bir iş qurmaq mümkündür. Bu mənada əsas olan ilk zəruri addımı atmaqdır. İşə başlamaq üçün aşağıdakı strategiyaları nəzərdən keçirtmək mümkündü:
Təcrübə və Bacarıqlardan İstifadə
– Xidmətlər Təklif Edin: Öz bacarıq və təcrübələrinizdən istifadə edərək xidmətlər təklif edə bilərsiniz. Məsələn, yazı yazma, tərcümə, dizayn, proqramlaşdırma, məsləhət və digər xidmətlər.
– Freelance İşlər: İnternet üzərindən freelance (müstəqil) işlər taparaq müştəri qazana bilərsiniz. Eləcə də müəyyən tapşırıqlar əsasında ödənişlər edən tətbiqlər də mövcuddur. Bu yolla təcrübə qazanaraq öz işinizi qura bilərsiniz.
Pulsuz və Aşağı Xərcli Resurslardan İstifadə
– Online Alətlər və Platformalar: Bir çox pulsuz online alət və platforma mövcuddur (məsələn, Canva dizayn üçün, Google Docs sənəd yaradılması üçün, WordPress veb sayt yaratmaq üçün).
– Sosial Media: Sosial media platformalarında (Facebook, Instagram, LinkedIn) biznesinizi tanıda və müştəri qazana bilərsiniz.
Partnyorluq və İş Birliyi
– Ortaqlıq: Başqa şəxslərlə və ya bizneslərlə ortaqlıq quraraq xərcləri paylaşa bilərsiniz. Bu, həmçinin resurslarınızı və bacarıqlarınızı birləşdirməyə kömək edər.
– İnvestorlar və Mentorlar : İşinizi inkişaf etdirmək üçün investorlardan və mentorlardan dəstək ala bilərsiniz. Onlar sizə maliyyə dəstəyi verməsələr də, təcrübə və tövsiyələrini təqdim edə bilərlər.
Təqdimat və Satış Kanalları
Biznes üçün çoxlu pul lazımdır? sualına aydınlıq gətirəcək və narahatçılığı aradan çıxardacaq digər və çox geniş yayılmış onlayn ticarəti gözdən keçirtmək lazımdır.
-Online Satış: Məhsul və ya xidmətlərinizi internet üzərindən satmaq üçün onlayn bazar yerlərindən (məsələn, Etsy, eBay) istifadə edə bilərsiniz.
-Pulsuz Tanıtım: Sosial media, forumlar və digər pulsuz tanıtım kanallarında reklam edə bilərsiniz. Özünüzü və işinizi tanıtmaq üçün fərqli metodlardan istifadə edin.
Kiçik Biznes və Startap Resursları
–Biznes Planları və Məsləhətlər: Biznes planı yazmaq üçün pulsuz resurslardan istifadə edə bilərsiniz. Bir çox təşkilat və veb sayt, yeni bizneslərə rəhbərlik və məsləhətlər təklif edir.
-Sosial Təşkilatlar: Bəzi sosial təşkilatlar və qeyri-kommersiya qurumları yeni bizneslərə pulsuz dəstək, təlim və məsləhət xidmətləri təklif edir.
Biznesə başlamaq üçün çoxlu pul lazımdır? sualını mümkün qədər açıqlamağa çalışdıq və ümid edirik ki, bu yeni sahibkarlar üçün həvəsləndirici məqalə olacaq. Pulsuz başlamaq çətin olsa da, bu yanaşmalarla siz işinizi qurmaq üçün minimum xərclərlə fəaliyyətə başlaya bilərsiniz. Başlamaq üçün ən vacib məsələlər motivasiya, disiplin və yaradıcılıqdır.
